Ərdoğan istədi, 41 milyon dolları xırdaladılar

 

Ölkə.Az xəbər verir ki, Türkiyə mətbuatının yaydığı məlumata görə, İstanbul bələdiyyə sədri Kadir Topbaş bələdiyyəyə aid bütüm qurumlara vayutaların "Türk lirəsi" ilə dəyişdirilməsi istiqamətində göstəriş verib. Bu barədə ölkə ictimaiyyətinə açıqlama verən bələdiyyənin maliyyə işlərinə nəzarət edən Eyyub Karahan bildirib ki, bələdiyyəyə aid bütün qurumların büdcəsi bundan sonra yerli valyuta ilə formalaşacaq. Karahan bu çərçivədə 41 milyon 753 min 334 ABŞ dollarının, 455 min 824 avronun və 393 min funt-sterlinqin "Türk lirəsi" ilə dəyişdiriləcəyini açıqlayıb.

 

Xatırladaq ki, bir müddət əvvəl Avropa Şurası Türkiyəyə qarşı sanksiyalar tətbiq edəcəyini açıqlamışdı. Prezident Ərdoğan bu bəyanata cavab vermək üçün ölkədə "Türk lirəsi"nə dəstək kampaniyası başlatmış və hər kəsi əlində olan xarici valyutanı xırdalamağa səsləmişdi.