Məmmədbağır Bağırzadənin oğlu 500 min ziyana düşdü

Mərhum xalq artisti Məmmədbağır Bağırzadənin oğlu Rahim Bağırzadə 500 min manat ziyana düşüb

Ölkə.Az xəbər verir ki, o, bu barədə qonağı olduğu verilişlərdən birində deyib.

"Beş yüz minə yaxın borcum var idi. Atamın bağını satdım, borcumu ödədim. Hazırda yetmiş min manatdan çox borcum qalıb. Bircə ata evim qalıb. Əsəbilərim pozulub, intihar etmək istədim. İmkan vermirlər ki, oxuyub pulumuzu qazanaq".

R.Bağırzadə mətbuatda onun dələduz olması barədə yazılanlara da aydınlıq gətirib:

"Mətbuatda yazılıb ki, saxtakarlıq, dələduzluqla məşğulam. Sizcə, dələduz efirə çıxa, məhkəməyə gedə bilər. Cəmi bir nəfərə borcum var. Biznesdir, qazanc da ola bilər ziyan da. Hamı uğur qazana bilmir ki. Qohumlarım sağ olsun, torpaq sahəsi ayırıblar. Həmin torpağı satıb borclarımı bağlayacam".

İntiqam VALEHOĞLU
Ölkə.Az