Rövşən Lənkəranskinin öldürülməsindən sonra Moskva bazarlarına vəziyyət çox pisdir

 

Ölkə.Az xəbər verir ki, reportajda göstərilir ki, burada vəziyyət getdikcə bərbad hala düşür.

 

“Moskvanın Çeryomuşinsk bazarı. Ticarət sıralarını gücləndirilmiş polis naryadı mühafizə edir. Rəhbərlik yeni münaqişədən çəkinir. Sonuncu toqquşma bir neçə gün əvvəl olub, atışma ilə bitib. Qarşıdurmanın iştirakçısı bazardakı kafelərdən birinin sahibi Vilayət Əsgərovdur. O, və digər ticarətçilər bazarın yeni rəhbərliyindən narazıdır”-NTV-nın reportajında deyilir.

 

Reportajda xüsusi vurğulanır ki, Rövşən Lənkəranskinin öldürülməsindən sonra Moskva bazarlarında vəziyyət çox pisdir. Silahlı qruplaşmalar bazarlara nəzarət uğrunda mübarizələrə başlayıb.

 

“ÇP. Araşdırma: “Krallar və Kələm” adlı araşdırma bu gün efirə verilib. “Göyərti və tərəvəz üzərində kriminal biznes necə qurulub, avtoritetlər bir-birini sözün əsl mənasında kələmə çevirirlər? Tərəvəz kralı Rövşən Lənkəranskini kim aradan götürdü? Və növbəti qurban kim olacaq? Ruslar vitaminə görə vergini kimə ödəyirlər? Və əsas məsələ-nə qədər ödəyirlər?”-NTV jurnalistləri araşdırmada bu suallara cavab axtarırlar.

Qeyd edək ki, Rövşən Lənkəranski bu ilin avqustunda İstanbulda güllələnib. Ağır yaralanan “qanuni oğru” xəstəxanaya yerləşdirilib. Həkimlərin səyinə baxmayaraq onun həyatını xilas etmək mümkün olmayıb. Onun adı bazar ticarətlərində hallanırdı. Ticarətçilər onu “tərəvəz kralı adlandırırdılar. Məhz onun ölümündən sonra Rusiya bazarlarında vəziyyət qarışıb. Xüsusən də orada çalışan azərbaycanlıları sıxışdırmağa başlayıblar.