“Çox təəssüf ki, şəhid və yaralılarımız var”
Türkiyə prezidenti Rəcəb Tayyib Ərdoğan İstanbulda baş verən partlayışlarla bağlı bəyanat verib.
“Terrorun hər cür dəyəri və əxlaqı ayaqlar altına alan üzünün ən çirkin halına bu gecə İstanbulda bir daha şahid olduq. Təəssüf ki, şəhid və yaralılarımız var. Türkiyə nə zaman gələcəyə yönəlik müsbət bir addım atsa, cavabında dərhal terror təşkilatlarının əli ilə qan, can, vəhşilik, xaos olaraq qarşılıq verilir. Son illərdə dəfələrlə yaşadığımız bu alçaq hücumu edən terror təşkilatının adının heç bir əhəmiyyəti yoxdur. PKK, İŞİD, FETO-su ilə bütün terror təşkilatları eyni məqsəd üçün ölkəmizə və millətimizə hücum edir”,- deyə Türkiyə prezidenti bəyanatında bildirib. (qafqazinfo)
