DİN-dən açıqlama
İstanbulda “Vodafone Arena”ın qarşısında “Beşiktaş”-“Bursaspor” oyunundan sonra polisə bombalı avtomobillə hücum təşkil olunub.
DİN rəhbəri Süleyman Soylu hadisə ilə bağlı açıqlama verib.
“Çox xain və alçaq bir hücum həyata keçirilib. İki partlayış olduğu müəyyən edilib. Biri tam stadionun yuxarısında “Süzer Plaza” ilə yanaşı olan, əvvəllər Beleştepe deyilən yerdə, biri də Maçka Parkında. Maçka Parkındakı partlayışı intiharçı terrorçunun törətdiyini güman edirik. Hələki məlumatların təsdiqinə vaxt lazımdır”,-deyə Nazir bildirib.
Digər tərəfdən, "NTV"nin son dəqiqə xəbərinə görə Beşiktaş ətrafındakı xəstəxanalara 38 yaralı yerləşdirilib.
“Al Jazeera Türk” kanalının məlumatına görə, hücumlar zamanı azı 15 nəfər həlak olub.
Bir qədər əvvəl isə “Reuters” agentliyi təhlükəsizlik qüvvələrindəki mənbəyə istinadən 13 nəfərin həlak olduğunu bildirib.
Qeyd edək ki, rəsmi olaraq ölüm xəbərləri hələki təsdiqlənməyib.
***
