Avropanın müsəlman miqrant ovu
Avropada məskunlaşan müsəlman miqrantlar sürətlə xristianlaşdırılır.
Ölkə.Az Avropa mətbuatına istinadən xəbər verir ki, Almaniyada kilsə xadimləri bildirirlər ki, son zamanlar müsəlmanlar kütləvi şəkildə dinlərini dəyişmək üçün onlara müraciət edir.
Keşiş Mattiyas Linke: "Bizə 3 müsəlman müraciət etdi. Onlardan soruşdum ki, siz həqiqətən İsanın xilaskar olduğuna inanırsınızmı? Onlar ürəkdən bəli dedilər".
Kilsə xadimləri iddia edir ki, müsəlmanlar Avropaya azad din və azad cəmiyyət üçün can atırlar. Xristianlığı qəbul edənlərin əksəriyyəti isə İran, Əfqanıstan və Suriya vətəndaşlarıdır.
Hətta xristianlığı qəbul etmiş müsəlmanları qorumağı kilsə öz üzərinə götürür. "Onlar digər müsəlman miqrantların təzyiqindən qorxaraq kilsəyə sığınır", - deyə keşiş Mattiyas Linke bildirir.
2013-cü ildən sonra minlərlə müsəlmanın dinindən döndüyü iddia olunur.
Onların dinindən dönməsinin bir səbəbi isə xristian kimi Avropada vətəndaşlıq almaqdır.
Qeyd edək ki, təkcə bu il 900 mindən artıq müsəlman miqrant Avropada məskunlaşıb.
