"Beşiktaş" komandasından nümunəvi addım

 

Ölkə.Az xəbər verir ki, terrorru lənətləyən Orman çərşənbə günü baş tutacaq qarşılaşmanın gəlirlərinin şəhid ailələrinə veriləcəyini bildirib.

 

"Terror hadisəsini "Beşiktaş" icması adına lənətləyirəm. Vəfa Karakurd və Tunc Uncu qardaşlarımızın ölümünü təəssüflə qarşılayıram. Kədərimiz çox böyükdür, amma bu ölkə üçün bir çox idmançısını şəhid vermiş icmamız itə-köpəyə fürsət verməyəcək. Bu gündən kombinə biletləri ləğv edirik. Çərşənbə günü aş tutacaq qarşılaşmanın gəlirləri şəhid ailələrinə veriləcək. Hamı futbola pulla gələcək və bu pulları şəhid ailələrinə bağışlayacağıq. Ölkəmiz böyük bir ölkədir. Heç bir güzəştimiz olmayacaq və bu ölkəni parçalamağa heç kimin gücü çatmaz." - deyə Fikrət Orman bəyan edib.

 

Xatırladaq ki, dekabrın 10-da Türkiyənin İstanbul şəhərində 44 nəfərin ölümü, 158 nəfərin müxtəlif dərəcəli bədən xəsarəti alması ilə nəticələnən terror hadisəsi baş verib.