Suriyanın yararsız silahla fəthi
Onun adı Nikolay idi. Nikolayla İrkutskdan Moskvaya uçarkən təyyarədə tanımışdım.
Birbaşa reyslərin olmadığından şikayətlənib, Moskvaya çatmaq üçün neçə dəfə təyyarə dəyişdiyindən şikayətlənmişdi. Təxminən 28-30 yaşlı bu gənc hərbçi idi və Uzaq Şərqdə qulluq edirdi.
Onunla Ukrayna müharibəsi, rus hərbçilərin niyə ora can atması ilə bağlı xeyli danışdıq. Amma əsas məsələ Nikolayın Rusiya silahlarının Suriyaya necə daşınması ilə bağlı oldu.
Ölkə.Az Rusiya mətbuatına istinadən Nikolay adlı rus zabitinin vaxtı keçmiş silah-sursatın Suriyaya hansı şəraitdə daşınmağınının detallarını açıqlayır.
Nikolay Uzaq Şərqdə xüsusi qorunan hərbi hissədə zabitdir. Burada hərbi texnikalar və silah-sursatlar qorunur. Buraya aviasiya bombaları, müxtəlif tipli raketlər, minalar və digər partlayıcı qurğular daxildir.
Onun sözlərinə görə, buradaki silah-sursatın əksəriyyətinin istifadə müddəti bitib. Hətta istifadə müddətindən 30 il keçənləri də var. Bunların əksəriyyəti isə "hava-yer" tipli raket qurğularıdır.
Nikolay deyir ki, hələ ötən əsrin 80-ci illərində vaxtı keçmiş sursatları məhv etmək üçün xüsusi qruplar var idi.
Onlar poliqonlarda belə sursatların utilizasiyası ilə məşğul olurdular.
"Anatoliy Serdyukov müdafiə naziri olanda artıq bu işlə özəl şirkətlər məşğul olmağa başladı".
Amma bu da uzun çəkmir. Suriya müharibəsinin başlanması Rusiyanın vaxtı keçmiş silahlardan ucuz və asan xilas olması üçün əlverişli poliqon yaranır.
Nikolay danışır: "Xüsusi vaqonlara əsasən aviabombalar, idarə olunmayan raketlər, piyada və tank əleyhinə minalar yüklənərək aparılırdı. Adətən lokomotivdən sonra qumla yüklənmiş iki vaqon qoşulurdu. Sonra 10 vaqon sursat doldurulurdu və yenə də iki qum yüklənmiş vaqon".
Onun sözlərinə görə, bu eşalonlar Novorosiysk şəhərinə aparılırmış. Buradan isə gəmilərə yüklənərək Suriyaya göndərilirmiş.
"Orada bu silah-sursatı istifadə edirdilər. Raketlər, bombalar atılırdı. Partlayacaq, partlamayacaq maraqlı deyildi. Əsas odur ki, utilizasiya olundu və balansdan silindi".
