İrandan ABŞ-ın sanksiyalarına cavab

İran ABŞ-ın sanksiya təhlükəsinə cavab olaraq gəmilərdə atom enerji bloku yaratmağa başlayıb.

Ölkə.Az xəbər verir ki, İranın prezidenti Həsən Ruhani ölkənin atom enerjisi agentliyinin rəhbəri Əli Əkbər Salehiyə gəmilər üçün atom enerji blokunun yaradılması layihəsinə başlamağı tapşırıb.

Rəsmi Tehran bununla da ABŞ konqresinin İrana qarşı sanksiyaların müddətini 10 il uzatmaq barədə qərarına cavab verib.

Ruhaninin sərəncamında deyilir: "Atom sazişinin ABŞ tərəfindən pozulmasına cavab olaraq elmi-tədqiqat mərkəzlərinə dəniz nəqliyyatında istifadəsi nəzərdə tutulan nüvə layihəsinin hazırlanmasını əmr edirəm".

Sənəddə bildirilir ki, layihə dinc məqsədlər üçün nəzərdə tutulub və beynəlxalq hüquq normalarına uyğun surətdə həyata keçiriləcək.

Hikmət
Ölkə.Az