13 ölkədə 34 kiber cinayətkar həbs edildi

DDoS hücum işi üzrə aparılan araşdırmalar nəticəsində 13 ölkədə 34 nəfər həbs edilib.

Ölkə.Az xəbər verir ki, İnterpolun apardığı əməliyyatlar nəticəsində həbs edilənlər arasında yeniyetmələr də var.

Əməliyyata əsasən ABŞ və Böyük Britaniyanın xüsusi xidmət orqanları, yəni Federal tədqiqat bürosu və Cinayətkarlığa qarşı mübarizə idarəsi cəlb edilib.

Hakerlərə qarşı əməliyyat 5-9 dekabr tarixləri arasında keçirilsə də, həbs edilənlər barədə bu gün məlumat verilib.

Beynəlxalq istintaq zamanı 100-dən artıq şübhəli şəxs dindirilib və onlara xəbərdarlıq edilib. Avropa kiber cinayətkarlığa qarşı mübarizə mərkəzi istintaqı dəstəkləyib.

Hikmət
Ölkə.Az