ABŞ və Rusiya BMT-nin iclasında üz-üzə gəldi

BMT-nin təhlükəsizlik şurası Hələb məsələsinə görə təcili iclas çağırıb.

Ölkə.Az xəbər verir ki, toplantıda Rusiyanın daimi BMT nümayəndəsi Vitali Çurkin ABŞ-lı həmkarı Samanta Poverin sözü çəp gəlib.

İclasdan sonra mətbuat nümayəndələri ilə görüşən Çurkin eyib:"Müxaliflər şəhərdən çıxır. Hərbi əməliyyatlar dayandırılıb və Hələbin şərqində müharibə başa çatıb. Suriya hökuməti Hələbin şərq hissəsinə nəzarət edir".

Jurnalistin :"Hələbdə mülki əhalinin evlərinə qayıda biləcəyini söylədiniz. Amma videoalara baxmadınızmı? Geri qayıtmaq üçün artıq evləri yoxdur"-sualına Rusiya rəsmisi: "Gördüm, qorxulu bir vəziyyətdir"-cavabını verib.

İclasda çıxış edən ABŞ təmsilçisi Samanta Pover Hələbdə baş verən qətliamlara toxunaraq bu cinayətlərə dəstək verən Rusiya və İranı günahlandırıb: "Hələbdə baş verən hadisələr tarixi qətliamlara aid ediləcək. Ruanda, Srebrenitsa kimi Hələb də uzun illər sonra bir ləkə kimi qalacaq".

Müharibə cinayətlərinə görə Əsədi və müttəfiqlərini tənqid edən Pover "heç utanmadınızmı" deyə sual verib. Onun bu çıxışına reaksiya göstərən Rusiya təmsilçisi Çurkin: "Poverin çıxışı maraqlıdı. Elə bil ki, rahibə Terezadır"-deyə cavab verib.

Hikmət
Ölkə.Az