Kim Çen İn sərxoş oldu, komandirlərini ağlatdı

Şimali Koreyanın lideri Kim Çen İn həddən artıq spirtli içki qəbul edərək ordunun yüksək rütbəli komandirlərini otağına çağırıb.

Ölkə.Az xəbər verir ki, sərxoş prezident ordu komandirlərini xəyanətdə günahlandırıb.

Yaponiyanın "Tokio Shimbun" qəzeti tərəfindən yeni bir iddia ortaya atılıb. İddiaya əsasən, Şimali Koreya lideri sentyabr ayında spirtli içki qəbul edib və komandirləri otağına çağırıb.

Ölkənin hərbi sputniki olmadığı üçün ordu mənsublarını günahlandıran Kim onları vətən xaini adlandırıb. O, bununla da kifayətlənməyib və sabaha qədər komandirlərə müdafiə və üzr diləmə məktubları yazdırıb.

Səhər yuxudan ayılan Kim Çen İn baş verən hadisəni xatırlamadığını bildirib.

Xəyanətə görə edam edilmə cəzasından yaxasını qurtaran komandirlərin bir neçəsi sevincindən ağlayıb.

Hikmət
Ölkə.Az