Müxalif siyasətçidən şok iddia: "Avtomatın lüləsi ilə zorladılar"

Əfqanıstanın müxalif siyasətçisi Əhməd İşçi prezident köməkçisi Əbdül Rəşid Dostumun adamları tərəfindən qaçırıldığını və şiddətə məruz qaldığını iddia edib.

Ölkə.Az xəbər verir ki, Əfqanıstanda prezident köməkçisi Əbdül Rəşid Dostumun adı skandalda hallandırılır.

İddiaya əsasən, Dostumun adamları müxalif fikirli İşçini qaçıraraq döyüb və ona qarşı cinsi zorakılıq tətbiq ediblər. Dostumun adı bu günə qədər yüzlərlə cinayətdə hallandırılır. Noyabr ayında isə bir idman oyunundan sonra Əhməd İşçi Dostumun adamları tərəfindən qaçırılıb.

İşçinin iddiasına görə onu qaçıranlar "səni indi öldürə bilərik, heç kəs də heç nə bilməz" deyiblər. Əli və qolu bağlandıqdan sonra İşçi Dostumun evinə aparılıb. Burada o, dəfələrlə döyülüb və kalaşnikov avtomatının lüləsi ilə zorlanıb.

Dostumun mətbuat xidməti İşçinin iddialarına cavab verib. Cinsi və fiziki zorakılıq iddialarını rədd edən mətbuat katibi İşçinin bəzi təhlükəsizlik məsələlərində barmağı olduğu üçün təhlükəsizlik qüvvələri tərəfindən saxlanıldığını bildirib.

Qeyd edək ki, faktla bağlı cinayət işi qaldırılıb.

Hikmət
Ölkə.Az