Moskvada türkləri güllələyib, 3 milyon apardılar

Moskvada 2 Türkiyə vətəndaşına hücum olub.

Soyğunçular Türkiyə vətəndaşlarını odlu silahla yaralayaraq 3 milyon rubl (təxminən 72 min dollar) oğurlayıblar.

Moskva polisindən verilən açıqlamaya görə, soyğunçular silahlı olub:

“Hadisə Moskvanın 75 kilometrliyində baş verib. Şəxsiyyəti naməlum olan soyğunçular avtomobildə olan iki Türkiyə vətəndaşına hücum edib. Atəş nəticəsində hər iki türk yaralanıb. Bundan sonra 3 milyon rublu oğurlayan şəxslər hadisə yerindən qaçıb”.

Adları açıqlanmayan Türkiyə vətəndaşlarının 40 və 50 yaşlarında olduğu deyilir.

Şübhəlilərin tutulması üçün Moskva və ətraf bölgələrdə axtarışa başlanılıb. (Axar.az)

Ölkə.Az