ABŞ-da seçkilərə şəxsən Putin müdaxilə edib
ABŞ-da prezident seçkilərinə müdaxilə edən haker hücumlarından şəxsən Rusiya prezidenti Vladimir Putinin xəbəri olub.
Ölkə.Az xəbər verir ki, bu iddia ilə ABŞ-ın NBC telekanalı çıxış edib.
Kanal bu barədə Amerikanın Mərkəzi Kəşfiyyat İdarəsindən onlara məlumat sızdırıldığını iddia edir.
NBC iddia edir ki, haker müdaxiləsinin əsas məqsədi Hillari Klinton barədə rüşvət iddialarını yaymaqla Trampın qələbəsinə şərait yaratmaq olmayıb.
"Rusiya kəşfiyyatçılarının əsas məqsədi ABŞ hakimiyyətinin və siyasətçilərinin korrupsiyaya bulaşdığını göstərməklə bütün dünyada bu ölkəyə etibarsızlıq mühitinin yaradılması olub".
Bütün bu proseslərdən Rusiya prezidenti Vladimir Putin və digər yüksək çinli dövlət məmurlarının xəbəri olub deyə kanal bildirir.
Qeyd edək ki, ABŞ Xüsusi Xidmət orqanları Moskvanı rəsmən prezident seçkilərinə müdaxilədə günahlandırmışdı. Onlar Rusiyanın Trampın seçilməsinə yardım etdiyini iddia edirdilər.
Buna baxmayaraq, ABŞ rəsmi faktları açıqlamır.
