Adnan Oktarın telekanalına qarşı sanksiya

Türkiyənin RTÜK (radio televiziya ali təşkilatı) qurumu Adnan Oktarın telekanalına sanksiya tətbiq edəcək.

Ölkə.Az xəbər verir ki, "terror təşkilatlarını güclü və haqlı göstərmək olmaz" qanunu pozulduğu üçün kanala sanksiya təqbiq ediləcək.

Bildirilir ki, Adnan Oktar A9 telekanalında İŞİD terror təşkilatını məsum, günahsız təqdim etməyə çalışdığı üçün sanksiyaya məruz qalıb.

RTÜK-ün iclas vaxtı aldığı qərara əsasən, Adnan Hoca olaraq tanınan Adnan Oktarın A9 telekanalında yayımlanan bir verilişdə Türkiyədəki terror aktlarının PKK tərəfindən həyata keçirildiyini, amma İŞİD-in günahlandırıldığı, təşkilat üzvlərinin öldürülməsinin haram olduğu və yaranan məntiq problemlərinin Müqəddəs Kitaba və hədis kitablarına əsasən həll edilməsi bildirilib.

Bu səbəbdən kanalın İŞİD-i günahsız göstərmək cəhdi qanunu pozur və kanala qarşı sanksiya tətbiq edilməsi barədə qərar qəbul edilib.

Hikmət
Ölkə.Az