Putin və Abe mirzəlik etdi
Rusiyanın prezidenti və Yaponiyanın baş naziri Kuril adalarında müştərək fəaliyyət barədə müqavilənin mətnini özləri hazırlayıblar.
Ölkə.Az xəbər verir ki, Rusiya və Yaponiya ekspertləri Kuril adalarında müştərək fəaliyyəti ehtiva edən bəyanatın mətnini hazırlaya bilməyiblər. İki ölkə lideri bu missiyanı yerinə yetirmək üçün qələmlərinə sarılıblar.
Ekspertlər bir neçə həftə ərzində müqavilənin mətnini hazırlaya bilməyiblər. Liderlər isə bu işin öhdəsindən 40 dəqiqəyə gəliblər. Söhbət 4 Kuril adasından gedir. Adalar Rusiyaya aid olduğundan fəaliyyət də Rusiya qanunvericiliyinə əsasən hazırlanıb.
Müştərək fəaliyyət balıqçılıq, turizm və tibb sahəsini əhatə edəcək.
Hikmət
Ölkə.Az
