Mosulda 70 terrorçu məhv edildi

İraq ordusu Mosulun qərbində 70 İŞİD terrorçusunu məhv edib.

Ölkə.Az xəbər verir ki, İraq hərbi hava qüvvələri Mosulun qərbində İŞİD-in hərbi iclasının keçirildiyi məkana zərbələr endirib. Nəticədə 70-dən çox terrorçu ilə yanaşı, İŞİD-çilərin başçısı da məhv edilib.

Bu barədə məlumatı İraqın müdafiə nazirliyi yayıb. Xəbərə əsasən, Tall-Abta rayonunda aparılan əməliyyatlar zamanı çoxlu terrorçu öldürülüb. İraq xüsusi xidmət orqanlarının əldə etdiyi məlumata görə, İŞİD-in toplantısında Telafer şəhərindəki blokadanı dağıtmaq üçün hücum planlaşdırırmış.

Nazirliyin məlumatına görə hücum zamanı 20 qruplaşma lideri və onları mühafizə edən 50-dən çox adi döyüşçü məhv edilib.

Hikmət
Ölkə.Az