Yolda qalan Bakı-Sumqayıt qatarından yeni xəbər
Bakı-Sumqayıt qatarı artıq mənzil başına çatıb.
Bu barədə "Azərbaycan Dəmir Yolları” Qapalı Səhmdar Cəmiyyətində İctimaiyyətlə əlaqələr şöbəsinin müdiri Sevinc Qədirova Ölkə.Az-a bildirib. Onun sözlərinə görə, Bakıdan saat 18:30-da yola düşən qatar Xırdalan stansiyasını keçdikdən sonra elektrik enerjisinin dayandırılıb. Nəticədə qatar yubanıb.
Bundan başqa, dəmir yollarında heç bir qatarın qrafikində gecikmə və yubanma olmayıb.
Ziya Səccad
Ölkə.az
***
Bakı-Sumqayıt marşrutu ilə hərəkət edən elektrik qatarı yolda qalıb.
Ölkə.Az-ın Report-a istinadən məlumatına görə, Bakıdan saat 18:30-da yola düşən qatar Xırdalan stansiyasını keçdikdən sonra elektrik enerjisinin verilişi dayandırılıb.
Nəticədə qatar yarım saatdan çoxdur ki, Ceyranbatan ərazisində qalıb və hərəkət edə bilmir.
