Bakıda 11 qəza: indi yollarda vəziyyət necədir?

 

Ölkə.Az xəbər verir ki, 20 yanvar” ətrafı, Yasamal rayon ərazisi, “Koroğlu” metrosu yaxınlığı, Biləcəri istiqaməti, Bakı-Sumqayıt istiqamətində sıxlıq var. Şaxtalı hava şəraitində yollarda vəziyyət necədir?

 

"Azəravtoyol" ASC-nin mətbuat katibi Anar Nəcəfli Ölkə.Az-a açıqlamasında bildirib ki, hazırda yollarda Heydər Əliyev prospektində, kənar yolda sıxlıq vardı.

 

“Bu da yolda qarın olması ilə bağlı deyil. Çünki bəzi sürücülər var ki, avtomobilləri ümumiyyətlə qışa hazır deyil. Maşınların təkərləri yay .inlərindən ibarətdir. Yay şinləri də havanın tempraturu aşağı düşən kimi bərkiyir. Yol da bir az yaş olanda sürüşür. Bunlar əsasən Sovet istehsalı olan avtomobillərdir. Bununla da, onsuzda sıxlıq olan yolda maşını zəif idarə edirlər. Nəticədə də, hərəkət iflic olur. Hava limanı istiqamətində yollarda qarlar təmizləndi. Yollara qum səpildi. Respublika yollarında elə bir ciddi problem müşahidə olunmur. Lazım olan ərazilər qardaş təmizlənib”, -deyə Anar Nəcəfli bildirib.

 

Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Vaqif Əsədov isə Ölkə.Az-a bildirib ki, Bakının küçə və inzibati prospektləri üzrə təxminən 7-10 sm qalınlığında qar yağıb:

 

“Yol polisi gücləndirilmiş iş saatından artıq xidmət edir. Həmçinin Bakı şəhər İcra Hakimiyyətinin “Qış qarajı” ilə birgə yaradılmış qərərgahda ərazi üzrə qarın təmizlənməsi, yolun buzlaşmasının qarşısını almaq üçün duzun səpilməsi prosesi gedir. Ziya Bünyadov prospekti, aeroport istiqaməti, Auraxanı rayon ərazisi, bəzi hündür körpülərdə sürüşmə ehtimal yaranıb. Bu da avtomobil sürücülərinin çox ehtiyatla maşın sürməsi nisbətən sıxlıq yaşanır. Bununla da süni sıxlıq yaranır. Yollarda istirahət verilmədən 3 növbəli iş gedir. Artıq bu saata hava şəraiti nəzərə alınmadığı üçün 11 maddi zərərlə nəticələnən yol qəzası baş verib”.

 

Vaqif Əsədov hava şəraitinin kəskin dəyişməsilə əlaqədar sürücülərə müraciət edib:

“Sürücülər bacardıqları qədər ictimai nəqliyyatdan istifadə etsinlər. Belə hava şəratində nəqliyyat idarə etməyə uyğunlaşan sürücülərı şərait yaradılsın. Eyni zamanda idarə edilən nəqliyyat vasitəsi texniki cəhətdən saz olmalıdır. Təkərləri mövsümü təkərlər olmalıdır. Sürət həddini minimuma endirməklə yanaşı, ara məsafəsi normadan artıq saxlanılmalıdır. Hava şəraitindən asılı olmayaraq, dövlət nömrə nişanları təmiz saxlanılmalı, maşınların fara və işıqları görünməlidir. Belə havada avtomobilin idarə edilməsi sürətlər qutusunun hesabına həyata keçirilməlidir. Buzlu yolda əyləc sistemindən istifadə edilməsi avtomobilin sürüşməsinə səbəb olacaq”.