Azərbaycanda bütün sürücülərə xəbərdarlıq

 

Bu barədə Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi, polis polkovniki Kamran Əliyev Ölkə.Az-a bildirib. Onun sözlərinə görə, sürücülər avtomobil idarə edərkən çox diqqətli olmalıdırlar və nasaz maşınla yola çıxmamalıdırlar:

 

"Artıq respublikanın bir sıra bölgələrində qar yağacağı, yolların səthinin buz bağlayacağı barədə xəbərdarlıq edilib. Sürücülərə tövsiyə olunur ki, texniki vəziyyəti nasaz olan, şinləri normalara cavab verməyən avtomobillərlə yola çıxmasınlar".

 

Onun sözlərinə görə, avtomobilin şinləri normalara cavab verməzsə, avtomobil yol hərəkətindən kənarlaşdırılacaq:

"Minik avtomobilləri üçün şinlərin protektorlarındakı naxışların qalmış hündürlüyü 1,6 mm, yük avtomobillərində 1 mm, avtobuslarda 2 mm, motosiklet və mopedlərdə isə 0,8 mm-dən az olmamalıdır. Həmçinin eyni ox üzrə müxtəlif naxışlı şinlərdən istifadə olunmamalıdır. Bu normalar gözlənilmədikdə həmin nəqliyyat vasitələrinin istismarı qadağan olunacaq və idarəetmədən kənarlaşdırılacaq. Sürücülər bir daha avtomobildə antifrizin, şüşə silənin və s. vəziyyətinə diqqət yetirməli, qış üçün təkər və işıq faralarını uyğun hala gətirməli, avtomobillərini zəncir, dartı kəndiri və s. lazımi avadanlıqlarla təmin etməlidirlər. Xüsusilə yağıntı düşən, yolların buz bağladığı ərazilərdə sürət həddini meteoroloji və yoldakı şəraitə uyğun seçməlidirlər”.