Hələbə görə Rusiya və İran səfirləri XİN-ə çağırıldı
Rusiya və İranın İngiltərənin London şəhərində fəaliyyət göstərən səfirləri bu ölkənin Xarici İşlər Nazirliyinə dəvət olunublar.
Ölkə.Az xəbər verir ki, bu barədə məlumatı İngiltərənin xarici işlər naziri Boris Conson sosial şəbəkədəki səhifəsində yayıb.
Nazir yazdığı mesajda, Hələb barədə hiss etdiyi təşvişi ifadə etmək üçün səfirləri nazirliyə dəvət etdiklərini qeyd edib.
"Hələb məsələsindəki qayğılarımı çatdırmaq üçün Rusiya və İranın səfirlərini dəvət etdim. Mülki əhalinin müdafiəsi və humanitar yardımın çatdırılması çox əhəmiyyətlidir." - deyə nazirin mesajında bildirilir.
Ziya Səccad
