Bakıda 35 yaşlı kişi çoxmərtəbəli yaşayış binasından yıxılaraq öldü

Bu gün Bakı şəhəri, Nərimanov rayonunda Dəmirçizadə küçəsi 7 A ünvanında çoxmərtəbəli binanın 16-cı mərtəbəsində yaşayan 35 yaşlı Orxan Valeh oğlu Həsənov eyvandan yıxılıb. Nəticədə o, aldığı xəsarətdən hadisə yerindəcə keçinib.

Ölkə.Az-ın FHN-in saytına istinadən verdiyi xəbərə görə, dərhal Nazirliyin Xüsusi Riskli Xilasetmə Xidmətinin xilasediciləri hadisə yerinə cəlb olunub, cəsədi eyvanın damından aşağı endirərək aidiyyəti üzrə təhvil veriblər. Əməliyyat saat 05:02-də başa çatıb.

Rayon Prokurorluğundan APA-ya verilən məlumata görə, hadisə ehtiyatsızlıqdan baş verib. O. Həsənov siqaret çəkmək üçün eyvana çıxıb və bu zaman huşunu itirərək yıxılıb.

Faktla bağlı araşdırma aparılır.

Ölkə.Az