"Lider"in qalmaqallı verilişinin aparıcısı

"Lider" telekanalında yayımlanan "Çıxış yolu" verilişinin aparıcısı Nuranə Axundova verilişində təhqirlərlə müşayiət olunan mübahisədən danışıb.

N.Axundova Ölkə.Az-ın əməkdaşıyla söhbətində bildirib ki, baş verənlər anidən olub və yalnız mühafizəçilərin müdaxiləsindən sonra həmin şəxslər studiyadan uzaqlaşdırılıblar.

"Oradakı hər kəs gördü ki, yaranmış durumdan sonra həm qadını, həm də oğlunu studiyadan uzaqlaşdırdıq. Ekspertimiz olan əməkdar artist Mehriban Xanlarovanı da təhqir etmişdilər. Görüntülərdə siz ancaq efirdə baş verənləri görürsünüz. Axı reklam fasilələrində baş verənlər də var. Qadınla oğlunu mühafizəçilərin köməyi ilə studiyadan çıxara bilmişik. Mənə maraqlıdır ki, reklam fasiləsindəki görüntüləri kim yayıb. Bunu bilməyi çox istərdim və yəqin ki, biləcəm. O ki qaldı təhqir məsələsinə, heç kimin heç kim haqqında aşağılayıcı ifadələr səsləndirməyə haqqı yoxdur".

Qeyd edək ki, iki ailə arasındakı narazılıq canlı yayımda qarşılıqlı təhqirlərlə müşayiət olunub.

İntiqam VALEHOĞLU
Ölkə.Az