Hələb təxliyələrində problem
Hələbdə təxliyələrlə bağlı problem yaranıb.
Ölkə.Az xəbər verir ki, Rusiya şəhərdəki bütün evakuasiya prosesinin başa çatdığını bildirsə də, Türkiyənin xarici işlər naziri Çavuşoğlu bu açıqlamaya bir neçə dəqiqə sonra cavab verərək təxliyələrin hələ də başa çatmadığını söyləyib.
Səkkizinci maşın karvanı şəhərdən hələ çıxmayıb. Əvvəlcə avtobusların dayandığı ərazidə partlayış səsləri eşidilib. Sonra isə şiə silahlılarının təxliyə prosesinə əngəl törətdiyi barədə məlumatlar duyulub. Anadolu xəbər agentliyi silahlıların avtobuslara doluşan 800 nəfəri əsir götürdüyünü bildirib.
Bölgədə bir neçə partlayış səsi eşidilib. Müxaliflər isə şiə silahlılarının avtobuslara atəş açdığını bildirir.
Türkiyə Hələb şəhərindən 8 min nəfərin təxliyə edildiyini bildirir. Onlarla avtobus və mikroavtobus vasitəsilə mülki əhali və silahlı müxaliflər ərazidən çıxarılıb.
Hikmət
