Rumınların prezidenti ikinci tura qaldı

Seçkilərin lideri isə casusluqda ittiham olunur

Noyabrın 2-də Rumıniyada keçirilən prezident seçkilərində səslərin 56%-nin sayılmasından sonra ölkənin baş naziri Viktor Ponta öndədir.

Bu barədə Rumıniya Mərkəzi Seçki Bürosu açıqlama yayıb.

Məlumata görə, seçicilərin 39,6%-i Pontaya səs verib. Onun milli liberallardan olan rəqibi Klaus Yohannis 30,2% səs toplayıb. Digər namizədlər 7%-dən çox səs toplamayıblar. Seçkilərin 1-ci mərhələsində 50%-lik baryeri aşan namizəd olmadığı üçün noyabrın 16-da Ponta və Yohannis ikinci turda mübarizə aparacaqlar.

Qeyd edək ki, seçkilərdə qalmaqal da müşahidə olunur. Belə ki, hazırkı prezident, üçüncü dəfə namizədliyini irəli sürmək imkanından məhrum olan Trayan Basesku seçkilərin lideri Pontanı casus adlandırıb./Oxu.az/

Ölkə.Az