Məşhur türk sənətçi yeni il gecəsi Bakıya gələsi olmadı?

Bakı Olimpiya Stadionunun təşkilatçılığı ilə 31 dekabr tarixində keçiriləcək bayram konsertində iştirak etməsi nəzərdə tutulan türk sənətçilərdən birinin Bakıya gəlməsi sual altındadır.

Ölkə.Az-ın məlumatına görə, Bakıdakı konsertdə iştirakı nəzərdə tutulan Murad Dalkılıç Türkiyədə Sibel Canla həmin gün səhnə paylaşacaq.

Bakı Olimpiya Stadionunun mətbuat xidmətinin rəhbəri Cəmilə Sultanova isə məsələyə belə münasibət bildirib:

"Hər şey qaydasındadır. Müğənnilər Bakıda yalnız Olimpiya Stadionunda dəyərli tamaşaçılarımızı sevindirəcəklər. Onu da qeyd edim, müğənnilər 10-12 mahnı ifa edəcəklər".

Xatırladaq ki, sözügedən Hadisə, Demet Akalın, Berksan, Ozan Doğulu kimi türkiyəli sənətçilərin iştirakı nəzərdə tutulur.

İntiqam VALEHOĞLU
Ölkə.Az