Qocalıqda yorğalıq

İngiltərədə qəribə hadisə baş verib

Ölkə.Az xəbər verir ki, 73 yaşlı sürücünün idarə etdiyi avtomobil uçaraq bir evin pəncərəsindən içəri girib. Hadisə zamanı xəsarət alan olmasa da, evə ciddi ziyan dəyib.

İngiltərənin şimalında Kumbriya qəsəbəsində 73 yaşlı sürücünün idarə etdiyi avtomobil yoldan çıxaraq sola dönüb. Avtomobil idarəetməni itirib və evin pəncərəsindən içəri girib. Qəza vaxtı evdə olan Lean Rigg adlı qadın hadisədən şok keçirib. Yan otaqda komputerdə işləyən Lean deyib: "Əvvəl elə bildim ki, zəlzələdir. Qorxdum ki, evimiz uçacaq".

Hadisədən sonra gənc qadın təcili tibbi yardım xidmətinə zəng edib. Yaşlı sürücü avtomobildən çıxarılıb. Qəza nəticəsində heç kəs xəsarət almasa da, pəncərənin altındakı yeni il hədiyyələri ciddi ziyana məruz qalıb.

Hikmət
Ölkə.Az