“Müasir PUA-lar erməniləri zəlil günə qoymuşdu, indi isə onların yuxusu ərşə çəkilib"

 

Tanınmış hərbi eksert Üzeyir Cəfərov Ölkə.Az-a bildirib ki, Azərbaycanın hərbi sahədə bu qədər nailiyyətlər əldə etməsi Ermənistan hakimiyyəti üçün qorxulu röyası və Sarkisyan iqtidarının süqutudur:

 

“Azərbaycan Müdafiə Nazirliyi tərəfindən İsrail dövlətindən "Dəmir günbəz" Raket Hücumundan Müdafiə Sisteminin alınacağı haqqında çoxdan idi ki məlumatlar var idi. Çünki, bundan əvvəl də ölkələrimiz arasında bir çox sahələr üzrə, xüsusən də hərbi-texniki əməkdaşlıq çərçivəsində bir sıra mühüm və zəruri addımlar atılmışdı ki, biz hamımız o əməkdaşlığın bəzi ilkin nəticələrini aprelin əvvəllərində cəbhədə baş vermiş məlum hadisələr zamanı gördük. Təkcə ən müasir PUA-lar erməniləri elə zəlil günə qoymuşdular ki, onlar təkcə bu avadanlığın adını eşidəndə belə vahiməyə düşürdülər. Yəqin ki, çoxları sosial mediada o kadrların bəzilərini görüblər. İndi isə, Azərbaycanın "Dəmir günbəz" avadanlığının alması ilə bağlı məlumat olan kimi aləm biri birinə dəyib. Qoy narahat olsunlar. Biz onlara əhəmiyyət verməməliyik. Biz o müdafiə sistemindən öz bildiyimiz şəkildə istifadə edəcəyik. Eyni zamanda ölkəmizin bir sıra ölkələrə, xüsusən də ABŞ-a silah-sursat satması ilə bağlı məlumat da yəqin ki, bədnam qonşularımızın yuxusunu ərşə çəkəcək. Əslində isə o silah və avadanlıq birbaşa Amerikaya deyil, onların müttəfiqlərinin təlabatını ödəmək üçün məhz həmən ölkələr tərəfindən alınıb aparılır. Bunun özü də Azərbaycanın müdafiə sənayesi üçün çox böyük uğurdur”, - deyə Ü. Cəfərov bildirib.

 

 

Ekspertin fikrincə əgər əvvəllər ermənilər əllərində olan 5-10 yeni silah illə qürrələnirdilər və özlərini şişirdirdilərsə, indi bunu etməyin də bir faydası olmayacaq:

 

“Ermənilər yalnız sentyabr ayında keçirdikləri hərbi parad zamanı guya Rusiyadan aldıqları "iskəndər" operativ-taktiki raketləri əldə etdikdən sonra az qala gecə-gündüz bu faktı bizim gözümüzə soxmağa can atırdılar. Biz isə çox qısa bir müddətdə artıq dünya silah bazarlarına hərbi təyinatlı məhsullar çıxarmağı bacarmışıq. Yəqin ki, 2017-ci iləd biz daha başqa maraqlı sazişlərin və əməkdaşlıqların olması haqqında məlumatlara malik olcağıq”.