Tanınmış türk sənətçi Bakıda konsert verdi, neftçilərimiz anıldı
Bakıda yaşayan Türkiyənin tanınmış opera və vokal sənətçisi konsert proqramı ilə çıxış edib.
Sənətçi konsert barədə təəssüratlarını Ölkə.Az-la paylaşıb:
"Konsert proqramına bir neçə ay əvvəl hazırlaşırdım. Bu yeni il konserti idi. Proqrama xarici repertuarla yanaşı bir neçə Azərbaycan mahnısı da əlavə etmişdik. Bunlar Azərbaycanın ən məşhur müğənni və bəstəkarlarının əsərləri idi. Çox gözəl konsert proqramı oldu, zal tamamilə dolu idi. Bu, məni çox sevindirdi. Mənimlə bu əziyyəti çəkən hər bir insana öz təşəkkürümü bildirirəm. İnşallah, qarşıdakı konsert proqramlarına da hazırlaşıram".
Qeyd edək ki, konsertdə məşhurun həmkarları ilə yanaşı müğənninin dostu, Quzey Kıbrıs Türk Cumhuriyyətinin Azərbaycan təmsilçisi Ufuk Turqaner və həyat yoldaşı da iştirak edib. Konsert iştirakçıları və tamaşaçılar əvvəlcə bir neçə gün öncə neft yatağında baş vermiş fəlakətdə dünyasını dəyişmiş neftçiləri anıblar.
