Zavala gələn elçilər

Dünən Türkiyənin paytaxtı Ankara şəhərində Rusiyanın səfiri Andrey Karlov qətlə yetirildi.

Hadisə foto-sərgidə baş verdi. Polis əməkdaşının açdığı atəş nəticəsində yaralanan diplomat vəfat etdi. Rusiya xarici işlər nazirliyi bu qətli terror aktı adlandırdı. 2003-cü ildən bu yana dünyada bir neçə səfir və diplomat qətlə yetirilib.

Ölkə.Az qanlı səfir siyahısını təqdim edir.

2015-ci il, Somali-Moqadişo

2015-ci ilin 27 mart tarixində "Əş-Şabab" terror qruplaşması Somalinin paytaxtı Moqadişo şəhərində otelə hücum təşkil etdi. Hücum nəticəsində 24 nəfər həlak oldu. Həlak olanlar arasında Somalinin İsveçrədə fəaliyyət göstərən səfiri də var idi.

2012-ci il, Liviya

2012-ci ilin 11 sentyabr tarixində Liviyada diplomatik nümayəndəliyə hücum zamanı ABŞ səfiri Kristofer Sitven və Amerkianın Benqazidə fəaliyyət göstərən konsulluğunun üç əməkdaşı qətlə yetirildi. Amerika konsulluğunun binası yaxınlıqdakı fermanın ərazisindən naməlum adamlar tərəfindən mina atanlardan atəşə tutulmuşdu.

2008-ci il, Pakistan-İslamabad

2008-ci ilin 20 sentyabr tarixində Pakistanın İslamabad şəhərində "Marriot" oteli partladıldı. Partlayış nəicəsində Çexiyanın Pakistandakı səfiri İvo Jdyarek öldürüldü. İvo avqust ayından səfir kimi təyin edilmişdi və müvəqqəti olaraq oteldə yaşayırdı. Terror hadisəsinə görə "Fedayeen İslam" qruplaşması məsuliyyəti öz boynuna götürmüşdü. Hadisə 53 nəfərin ölümünə, 226 nəfərin yaralanmasına səbəb olmuşdu.

2005-ci il, Bağdad

2005-ci ilin 27 iyul tarixində Əlcəzair diplomatik missiyasının rəhbəri Əli Belyarussi qətlə yetirildi. Səfir 21 iyul tarixində attaşe İzədddin Belkadi ilə oğurlanmışdı. Hadisəyə görə "Əl-Qaidə" ilə bağlantıları olan "İraqdakı cihad bazası" qruplaşması məsuliyyəti boynuna götürmüşdü.

2005-ci il, Bağdad

2005-ci ilin 2 iyul tarixində Misirin İraqdakı səfiri İxab əş-Şərifi evinin yanında oğurlayırlar. Hadisəyə görə məsuliyyəti öz üzərinə Musab əz-Zərkauinin "İki çay arasındakı ölkədə cihad bazası" qruplaşması götürdü. 7 iyul tarixində qətlə yetirilən diplomatın meyidi hələ də tapılmayıb.

2003-cü il, Burundi

2003-cü ilin 29 dekabr tarixində Vatikanın səfiri Maykl Kortni Burundidə ölümcül yaralanır. Hadisə ölkənin paytaxtı Bucumbradan 40 km cənubda baş verib. 3 güllə yarası alan Kortni yerli xəstəxanaya çatdırılsa da, həddən artıq qan itirdiyi üçün həyatını xilas etmək mümkün olmayıb.

2003-cü il, Kot-d’İvuar