Ərdoğanı əsəbiləşdirənlər cəzalandırıldı
Türkiyə prezidenti Rəcəb Tayyib Ərdoğanın əsəbləşməsinə səbəb olan olayın səbəbkarları cəzalandırılıb.
Dünən İstanbulda piyada hərəkət edən zaman bir kafedə siqaret çəkənləri görəndə etirazını sərt şəkildə Esenler bələdiyyə başqanı Tofiq Göksuya çatdıran Ərdoğan qanunu pozanların cəzalandırılmasını tələb etmişdi.
Bu gün Esenler Bələdiyyəsinin əməkdaşları həmin kafe sahibini 6 min lirə cərimə edib. Siqaret çəkən adam isə qanuna əməl etmədiyinə görə 91 lirə ödəməli olacaq.
Kafenin sahibi Deniz Ayvaz siqaret çəkən müştərilərinin olmadığını bildirib: "Prezident Rəcəb Tayyib Ərdoğan gələn zaman bir izdiham yaşandı. Küçələr təhlükəsizlik səbəbiylə bağlanıldı. O sırada küçədəki vətəndaşlar prezidentini görmək üçün bizim kafeyə girdi. Kafeyə girənlərdən biri də siqaret çəkdi. Ancaq o zaman bunu fərq etmədik. Hadisə səbəbindən bu gün 6 min lirə cəzalandırıldıq. Və bizə ən yüksək cəza verildi. Ancaq etiraz etməyəcəyəm. Çünki qanunda siqaret çəkilməməsi açıqca bildirilir. Kafe mənimdir və cəzamızı ödəyəcəyik". (Anspress)
Ölkə.Az
