İŞİD Əl Babda Türkiyə əsgərlərinə hücum etdi
İŞİD terrorçularının Suriyanın Əl-Bab bölgəsində Türkiyə hərbçilərinə hücumu nəticəsində ölən və yaralananların sayı artıb.
Hücum nəticəsində 4 türk hərbçi ölüb, 15-i yaralanıb.
Türkiyə qırıcıları tərəfindən İŞİD-in 24 döyüş mövqeyi vurulub, 40-dan çox terrorçu zərərsizləşdirilib.
***
Suriyada "Fərat Qalxanı" əməliyyatı çərçivəsində Əl Bab şəhərində hücuma məruz qalan Türkiyə əsgərləri 3 şəhid verib.
Son məlumatlara görə, biri ağır olmaqla 11 əsgər də yaralanıb.
Verilən məlumata görə, İŞİD terrorçuları qəfil əsgərlərə hücum edib.
***
Suriyanın Əl Bab şəhərində İŞİD terrorçuları Türkiyə əsgərlərinə hücum edib.
Ölkə.Az Türkiyə mətbuatına istinadən xəbər verir ki, hücum nəticəsində Türkiyə ordusu itki verib.
Qeyd edək ki, Türkiyə ordusu Suriyada İŞİD və PKK terrorçularına qarşı "Fərat Qalxanı" adlı əməliyyat aparır.
Bu səhər Türkiyə ordusu Əl Bab və Hələb şəhərləri arasındakı yolu nəzarətə götürdükləri barədə məlumat yaymışdı.
