Bakıda sərnişin avtobusu piyadanı belə vurdu
Bakıda piyada keçidindən istifadə edən kişini avtomobil vurub.
Ölkə.Az-ın "Report"a istinadən xəbərinə görə, hadisə Xətai rayonu, Əhmədli qəsəbəsi Məhəmməd Hadi küçəsində qeydə alınıb.
Belə ki, təxminən 40-45 yaşlarında olan kişi piyada keçidi ilə yolun digər tərəfinə keçmək istəyib. Bu zaman yol hərəkəti qaydasını pozaraq əks istiqamətdə yola çıxan 12 saylı sərnişin avtobusu piyadanı vurub.
Yaralı ağır vəziyyətdə xəstəxanaya yerləşdirilib.
Faktla bağlı araşdırma aparılır.
