Dolf Lundqren Rusiyaya köçmək niyyətindədir

Hollivud aktyoru Dolf Lundqren yeni bəyanatla çıxış edib.

Ölkə.Az xəbər verir ki, ABŞ-da vəziyyət pisləşəcəyi təqdirdə Dolf Rusiyaya köçəcək. Dolf Lundqren ABŞ-da keçirilən prezident seçkilərinin nəticələrini bəyənmir və yeni seçilmiş prezident Donald Trampı zəif siyasətçi adlandırır.

Aktyor artıq Rusiya vətəndaşlığı almaq barədə düşündüyünü etiraf edib: "Əgər Amerikada vəziyyət pisləşsə, Rusiyaya köçmək barədə düşünəcəm".

Aktyor eyni zamanda Rusiya prezidenti Vladimir Putinin liderlik xüsusiyyətlərini qiymətləndirib: "Mən təbii ki, siyasi ekspert deyiləm. Amma Rusiya prezidenti qətiyyətli, səbrli, yetişmiş siyasətçidir və onun həmişə planları var".

Qeyd edək ki, bir müddət əvvəl aktyor Stiven Siqal da Rusiya vətəndaşlığını qəbul etmişdi.

Ölkə.Az
Hikmət