İran prezidenti Həsən Ruhaninin Ermənistana səfərinin arxasında nə dayanır?

 

Bu barədə tanınmış politoloq Arzu Nağıyev Ölkə.Az-a İran prezidenti Həsən Ruhaninin Ermənistana səfərini şərh edərkən bildirib. Onun fikrincə, səfərin arxasında hansısa pis fikir durmasa beləə, hazırkı vəziyyətdə bu gedişat Azərbaycan üçün xoş deyil:

 

“Əgər bu gün İranın prezidentinin Ermənistana səfərinə Dağlıq Qarabağ konteksindən baxsaq, bu Azərbaycan üçün heç də müsbət hal deyil. Bizimlə qardaşlıq-dostluq münasibətini daim biruzə verməyə çalışan İrandırsa, bu gün onun səfərini müsbət qiymətləndirmirəm. Məlumdur ki, İran Azərbaycanın ərazi bütövlüyünü daim dəstəkləyən, BMT səviyyəsində ölkəmizin suverenliyini qəbul edən dövlətdir. Unutmaq lazım deyil ki, ən böyük Azərbayan icması İranın ərazisindədir. Bütün bunları nəzərə alaraq, ermənilərlə aramızda olan gərginlik baxımından bu səfər xoş deyil. Yoxsa bu onların daxili işi, xarici siyasətidir”.

 

 

Arzu Nağıyev deyir ki, İran tərəfi də, öz növbələrində Azərbaycanın İsraillə tərəfdaşlığına müsbət baxmırlar:

 

“Bildiyimiz kimi İsrail rəhbərinin Bakıya gəlişini də İranda özlərinə məxsus yozmuşdular. Hər bir dövlətin xarici siyasəti ola bilər. Lakin bu regionda baş verən hadisələrlə bağlı, qıcıqlandırmaqla baxlı bir başqa konteksdən baxılmalıdır”.