Şəhriyar Məmmədyarovdan prezidentə təşəkkür
Azərbaycan prezidenti ölkəmizdə bədən tərbiyəsi və idmanın inkişafında xidmətlərinə görə bir sıra şəxsləri təltif edib.
Ölkə.Az xəbər verir ki, təltif olunan idman xadimləri arasında məşhur şahmatçı Şəhriyar Məmmədyarovun atası da var.
Prezidentin sərəncamı ilə Həmid Məmmədyarova "Əməkdar Bədən Tərbiyəsi və İdman Xadimi” fəxri adı verilib.
Bu gün Milli Olimpiya Komitəsində 2016-cı ilin idman yekunları ilə bağlı keçirilən mərasimdə isə "Əməkdar Bədən Tərbiyəsi və İdman Xadimi” fəxri adının döş nişanı təqdim olunub.
Şahmatçı sosial şəbəkədə atası ilə prezident İlham Əliyevlə fotosunu paylaşaraq dövlət başçısına təşəkkür edib.
Ölkə.Az həmin fotonu təqdim edir:
