Rusiya ağlayır
Rusiyanı və dünyanı dəhşətə gətirən təyyarə qəzasının şok pərdəarxası məqamları ortaya çıxıb
Ölkə.Az xəbər verir ki, bu gün səhər saatlarında Rusiya Müdafiə Nazirliyinə məxsus "Tu-154" təyyarəsinin qəzaya uğrayaraq Qara dənizə düşməsindən sonra orada olan 92 nəfərin öldüyü bildirilir. Təyyarədə olanların kimlikləri bilindikcə onların yaşam hekayələri də ortaya çıxır.
"Birinci kanal"-ın 3 jurnalistin fotoları yayılıb. NTV-nin səs rejissoru Yevgeniy Tolstov isə təyyarə havalanmadan öncə onun fotosunu "Facebook" profilində paylaşıb.
Sərnişinlər arasında “Həkim Liza” kimi məşhur olan Yelizaveta Qlinka da olub. Onu Rusiyada "yardım mələyi" kimi təqdim edirlər.
Bundan əlavə təyyarədə gənc nişanlı cütlük də olub. Ralina Gilmorova və nişanlısı Mixail keçən il nişanlaşmışdı və qısa müddət sonra evlənəcəkdilər.
