Türkmənistan prezidenti televiziyadan imtina etdi

Türkmənistan prezidenti digər namizədlərin xeyrinə olaraq televiziyada çıxış etməkdən imtina edib.

Ölkə.Az xəbər verir ki, Türkmənistan prezidentliyinə namizəd və hal-hazırda ölkəyə rəhbərlik edən Qurbanqulu Berdiməhəmmədov ona verilən efir vaxtından imtina edib.

Türkmənistan prezidenti deyib: "Mən Mərkəzi Seçki Komissiyasından xahiş edirəm ki, mənim üçün ayrılan efir vaxtını digər namizədlər arasında bölüşdürsünlər. Digər namizədlərə uğurlar arzulayıram".

Qeyd edək ki, 2017-ci ilin 12 fevral tarixində Türkmənistanda prezident seçkiləri keçiriləcək.

Qurbanqulu bu dəfə də prezident seçilsə, ölkənin iqtisadi potensialını və milli gəliri artıracağını, elektron sənayeyə xüsusi diqqət artıracağını, ölkənin sənaye dövləti kimi inkişaf etdirəcəyini, cəmiyyətin siyasi sistem fəaliyyətini modernləşdirəcəyini, milli ordunun, hərbi-dəniz və hərbi-hava qüvvələrini inkişaf etdirəcəyini bildirib. Eyni zamanda, milli peyk barədə addımlar atacağını da qeyd edib.

Türkmənistan prezidenti eyni zamanda terrorizmə qarşı beynəlxalq təşkilatlarla əməkdaşlıq edəcəyini, narkotiklərin qanunsuz dövriyyəsinin və rüşvətxorluğun qarşısını alacağını da qeyd edib.

Qeyd edək ki, Türkmənistanda keçiriləcək prezident seçkilərində 4 namizəd iştirak edəcək.

Hikmət
Ölkə.Az