BMW avtomobillərini geri çağırır
BMW şirkəti Çinə satdığı 193 min 611 avtomobilini geri çağırır.
Ölkə.Az xəbər verir ki, avtomobillərin hava yastığında olan problemlər şirkət tərəfindən belə qərar qəbul edilməsinə səbəb olub.
Bu barədə Çinin keyfiyyətə nəzarət idarəsindən də xəbər verilib. 2005-ci ilin 9 dekabr-23 dekabr tarixləri arasında BMW tərəfindən idxal edilən 168 min 861 avtomobil nəzərdə tutulur. Siyahıya 120i, 130i, 316i, 320i, 325i, 330i, 335i, X1, X3, X5, X6 və M3 modelləri daxildir.
Bundan başqa BMW Brilliance tərəfindən 12 iyul 2005-ci il ilə 31 dekabr 2011 -ci il tarixləri arasında istehsal edilən 24 min 750 ədəd avtomobil də geri çağırılacaq. Bu siyahıya 320 i, 325 i və X1 modelləri daxildir.
Qeyd edək ki, şirkət gələn ilin avqust ayında avtomobilləri geri çağıracaq və defektli ehtiyat hissələri şirkət hesabına dəyişdiriləcək.
Hikmət
Ölkə.Az