Bəşər Əsəd yəhudilərin dilində danışdı

Bəşər Əsəd yəhudi auditoriyasını ələ almaq istəyir

Ölkə.Az The Jerusalem Posta istinadən xəbər verir ki, Suriyanın rəsmi SANA informasiya agentliyi ivrit dilində səhifə açıb. Bildirilir ki, burada məqsəd israil ictimaiyyətinə birbaşa təsir etməkdir. Sözügedən agentlik Bəşər Əsədin apardığı siyasətin təmsilçisi kimi fəaliyyət göstərir.

The Jerusalem Postun bildirdiyinə görə, səhifədə yazılanları anlamaq mümkün olsa da, qrammatik cəhətdən müəyyən problemlər mövcuddur.

"Suriyanın imicini fomalaşdırmaq məqsədilə biz daha geniş auditoriyaya səslənmək istədik", - deyə, agentliyin icraçı direktoru Əhməd Dava bildirib.

Qeyd edək ki, SANA agentliyi ərəb və ivrit dillərindən başqa, ingilis, rus, ispan, fransız, çin və türk dillərində xidmət göstərir.

Rəşid Mustafazadə

Ölkə.Az