PKK-dan Bərzaniyə sərt mesaj

PKK terror təşkilatı Bərzaniyə sərt mesaj göndərib.

Ölkə.Az xəbər verir ki, Şimali İraq Kürd Muxtariyyatının baş naziri Necirvan Bərzani PKK-ya "Sincardan çıxın, yoxsa güc tətbiq edərik" demişdi.

PKK isə bu bəyanata "bizi burdan zorla çıxarmağa heç kəsin gücü çatmaz" cavabını verib.

Ötən həftə Sincar əhalisinin şəhərə qayıda bilmədiyini qeyd edən Bərzani: "Sincar xalqı geri qayıdanda nə ilə qarşılaşacaqlarını bilmədikləri üçün təşviş içindədir. Onlar yenidən silahlı münaqişə ilə üz-üzə gəlməkdən qorxurlar. PKK bunu başa düşməlidir ki, yerli camaatın rahatlığı üçün ərazidən çıxmaq lazımdır. Əgər PKK Sincarda qalmağa israr etsə,güc tətbiq edə bilərik"-demişdi.

Hikmət
Ölkə.Az