Trampı Rusiyada kim təmsil edəcək?

ABŞ-ın yeni seçilmiş prezidenti ölkəni Rusiyada təmsil edəcək səfir namizədlərini gözdən keçirir.

Ölkə.Az xəbər verir ki, namizədlər arasında konqressmen Dana Rorabaxer və diplomat Tomas Qremin adı var. Tomas Qrem sabiq dövlət katibi Henri Kissincerin müşaviridir.

Bu barədə Respublikaçılar partiyasından və ABŞ-ın diplomatik dairələrindən məlumat verilib. Trampın fikrinə görə, bu vəzifə Rusiya ilə münasibətlərin normallaşdırılmasına kömək etməlidir.

Mənbənin məlumatına görə, gələn il ABŞ Rusiyaya yeni səfir təyin edəcək. Bu təyinat komanda dəyişikliyinə görə baş verəcək. Bu normal prosesdir və ABŞ-da hamı buna hazırdır. Dana və Tomasdan başqa digər namizədlər də var.

Hikmət
Ölkə.Az