Hillari Klintonun ətrafında cərəyan edən

Amerikada prezident seçkilərində Demokratların namizədi Hillari Klinton milyarder Donald Trampa məğlub oldu.

Hillari Klinton kifayət qədər rəğbət qazansa da, seçkidə məğlub oldu. Bu günə qədər Hillarinin adı bir çox qalmaqalda çəkilib.

Ölkə.Az Hillari Klintonun adının hallandırıldığı 5 əsas qalmaqalı oxucuları ilə bölüşür.

5.İnsan hüquqlarını pozan rejimlərin liderləri ilə əlaqələr

Uzun illər ərzində "Klinton" fondu qadınlara, homoseksuallara və dini azlıqlara qarşı dəhşətli münasibət göstərən ölkələrdən on milyonlarla dollar ianə alıb. Bu ölkələr bir çox hallarda Fondun məqsədlərinin əksinə bəyanatlarla çıxış ediblər. Klinton fondunun əsas maliyyə dəstəkçilərindən biri də Bəhreyn taxtının varisi şahzadə Salmandır. O, xeyriyyə məqsədi ilə 32 milyon dollar bağışlayıb. Bu hadisə ilə eyni vaxtda ABŞ dövlət departamenti Bəhreynə silah satılmasına icazə verdi. Bu tip hadisələr bir neçə dəfə baş verib.

4.Məxfi sənədlərlə ehtiyatsızlıq

Dövlət katibindən məxfi sənədlərlə ehtiyatlı işləməyi öyrənməyi tələb ediblər. Dövlət departamentində işlədiyi dövrdə Hillari məxfi sənədləri elektron poçt vasitəsilə həm qəbul edib, həm də göndərib. Bundan başqa ola bilər ki, xanım Klinton müəyyən məxfi sənədləri hakerlərə göndərib. Dövlət katibi şəxsi akkauntunda elektron məktub mesajları saxlayıb. Bu mesajların içində məxfi məlumat olub. O, bir neçə dəfə pis qorunan qurğulardan istifadə edərək poçtuna daxil olub və məktublar göndərib. Bu ünvanlardan biri hakerlər tərəfindən qırılıb. Bundan başqa Hillarinin əməkdaşları içində kifayət qədər ciddi məxfi məktublar olan notbuku itiriblər.

3.İkili standartlar

2015-ci ilin 3 dekabr tarixində Hillari Klinton Tvitter hesabında yazır:"Seksual zorakılıqdan sonra sağ qalan hər bir şəxs eşidilməyə, inanılmağa və dəstəklənməyə layiqdir". Amma xanım Hillari zorlanmış bir nəfərə inanmaqdan imtina edir. Söhbət Xuanita Brouddrikdən gedir. Xuanita Bill Klinton tərəfindən zorlandığını deyirdi. Qız iddiasını sübut edə bilmədi.

2.Zorakılıq törədənə hüquqi yardım

1975-ci ildə Hillari 12 yaşlı qızı zorlamış 41 yaşlı fabrik fəhləsini müdafiə edib. Məhkəmə tərəfindən vəkil təyin edilmiş xanım Hillari işi qəbul etmək məcburiyyətində idi. Vəkil zorakılıq qurbanına şər atdı. İddiaya görə, guya qızın seksual fantaziyası olub və yaşlı kişi ilə cinsi əlaqəyə girmək üçün çırpınırmış. Bir il sonra seksual zorakılığın qurbanı olan qız Hillarinin bəyanatının reallığı əks etdirmədiyini deyib.

1.Sağlamlığı ilə bağlı problemlər

Bu problemlər Hillari haqda qalmaqalların ən çox müzakirə edilən hissəsidir. Dövlət katibi seçicilərinə sağlam olduğunu desə də, faktlar əksini sübut edir. Məsələn, 11 sentyabr qurbanlarını anım mərasimində xanım Klinton pnevmaniya ucbatından özünü pis hiss etmişdi. Mart ayında beyin kontrolundan keçib. İyunun sonlarında jurnalistlərin qarşısında çıxış edən Hillarinin sifəti elə dəyişdi ki, epilepsiya xəstəliyindən şübhələndilər.

Hikmət
Ölkə.Az