Zərdabda 37 minlik korrupsiya
Kənd Təsərrüfati Nazirliyi Zərdab rayonunda 37 min manatlıq korrupsiya faktı aşkar edib.
Nazirlikdən Ölkə.Az-a verilən məlumata görə, bu dövlət qurumunun internet saytında Şəhla İsmayılovaya 9900 AZN ödilməsi göstərilsə də, Kapital Bank ASC-nin Zərdab filialı həmin şəxsə 5000 AZN ödəyib.
Nazirliyin apardığı araşdırmalar zamanı müəyyən edilib ki, Yardımların verilməsi üzrə Respublika Komissiyası tərəfindən təqdim edilən siyahı Zərdab rayon komissiyasında dəyişdirilib.
Məlum olub ki, 238 nəfər istehsalçıya bank tərəfindən faktiki ödənilən vəsaitlə Respublika Komissiyasının ödənilməsi barədə qərar qəbul etdiyi vəsait arasında 37185,50 manat fərq var.
Nəzərdə tutulduğundan artıq olan həmin vəsait məhsul istehsalçılarının bir qisminə ödənilməli məbləğdən azaldılaraq digər istehsalçıların bank hesablarına köçürülüb. Kənd Təsərrüfatı Nazirliyi aşkar etdiyi nöqsanlara hüquqi qiymət verilməsi üçün sənədləri Respublika Prokurorluğuna göndərib.
