Vergilər Nazirliyi ilə Banklar Assosiasiyası arasında vacib görüş baş tutacaq
Sabah Vergilər Nazirliyi ilə Azərbaycan Banklar Assosiasiyası arasında görüş keçiriləcək.
Ölkə.Az “Report”a istinadən xəbər verir ki, bunu jurnalistlərə Vergilər Nazirliyi Vergi siyasəti və strateji araşdırmalar Baş İdarəsinin rəisi Samirə Musayeva deyib.
S.Musayevanın sözlərinə görə, görüşdə Vergi Məcəlləsinə edilmiş dəyişikliklər və bankların gələcək fəaliyyəti ilə bağlı məsələlər müzakirə olunacaq.
İdarə rəisi əlavə edib ki, əgər elektron ticarətə tətbiq edilən ƏDV ödənilməzsə, cərimə banka deyil, ödəyiciyə tətbiq ediləcək.
