Türkiyə sərhəddində Qiyamət ssenarisi

Mosulda dəhşətli qiyamət ssenarisi hazırlanır.

Ölkə.Az xəbər verir ki, İŞİD-ə qarşı aparılan müharibə bölgədə müəyyən ciddi problemlərin yaranmasına səbəb olub. Belə ki, savaşın ortasında qalan Mosul su bəndi çökmə riski ilə üz-üzə qalıb. Artıq su anbarı yüz minlərlə insan üçün təhlükə mənbəyinə çevrilib.

Dəclə çayı üzərində inşa edilən su anbarının divarında yarana biləcək bir çat 1.5 milyon insanın ölümünə səbəb ola bilər. Əgər belə bir hal baş versə, dalğaların hündürlüyü 30 metrə çata bilər. Sular isə 160 km-lik məsafədə hər şeyi məhv edəcək. Mosulun böyük bir hissəsi 3 saat ərzində su altında qala bilər. Hündürlüyü 5 metrə çatan dalğalar 4 gün ərzində 6 milyon insanın yaşadığı Bağdada çata bilər.

Bu barədə danışan İraq əsilli ABŞ inşaat mühəndisi Azzam Alvaş bildirib ki, su anbarında hər hansı bir çat yaransa, nüvə bombası effekti yarana bilər.

Su anbarının inşası 1984-cü ildə başa çatıb. Alvaşın fikrinə görə, su bəndi düzgün yerdə tikilməyib.

Hikmət
Ölkə.Az