2016-cı ilin ən uğurlu 10 İŞ ADAMI

2016-cı ilin ən uğurlu iş adamları kimlərdir? Siyahını tərtib edərkən şirkətlərin gəlirləri, səhmlərinin dəyərləri və borclar nəzərə alınır.

Ölkə.Az bu gün cari ilin hesabatlarına əsasən ən uğurlu iş adamlarının siyahısını təqdim edir.

10.Cek Ma

Vəzifəsi: "Alibaba Group" şirkətinin icraçı direktoru

"Forbes" jurnalının üz qapağına çıxan yeganə Çinli iş adamıdır. Onun qurduğu "Alibaba" şirkəti elektron ticarət üzrə dünyanın ən aparıcı internet saytlarından biri sayılır.

9.Rodni Saks

Vəzifəsi: "Monster Beverage" şirkətinin baş direktoru

Enerji içkiləri populyarlığını qoruyur və Rodninin şirkəti inkişaf edir. 1992- ci ildə Rodni və Hilton Şlosberq təbii içkilər istehsal edən "Hansens Natural" şirkətini 14.6 milyon dollara alırlar. 10 il sonra şirkətin əməkdaşı Mark Holl yeni içki təqdim edir. Bu yeni enerji içkisi "Red Bull" üçün rəqib idi.

8.Çen Vey

Vəzifəsi: "Didi Chuxing" şirkətinin baş direktoru

"Uber" taksi xidməti Çində fəaliyyətə başlayanda onun Asiya bazarında liderə çevriləcəyi gözlənilirdi. Amma Çen Vey bu şirkətlə rəqabətə başlayır. "Uber" Çinin bir neçə şəhərində fəaliyyət göstərəndə "Didi Chuxing"-in taksiləri ölkənin 400 şəhərində müştərilərə xidmət edirdi. Bu ilin yayında "Uber" şirkəti rəqabətə dözə bilməyərək bölmələrini Çenə satdı.

7.Jen-Sun Xuan

Vəzifəsi: "Nvidia" şirkətinin baş direktoru

"Nvidia" şirkəti iki müasir texnologiya: süni intellekt və virtual reallıq üzərində işləyir. Virtual reallıq yavaş-yavaş bahalı əyləncədən adi hala çevrilir. İstifadəçilərin yüksək keyfiyyətli prosessor və qarniturlara ehtiyacı yaranır. Son il ərzində şirkətin səhmləri iki dəfə bahalaşıb.

6.Bred Smit

Vəzifəsi: "İntuit" şirkətinin baş direktoru

Şirkət bu il orijinal məhsulu sayılan "Quicken"-i satışa çıxardı. Razılaşmanın maliyyə şərtləri barədə xəbər verilmir. "İntuit" şirkəti hazırda mühasibatlığa aid "QuickBooks" üzərində işləyir.

5.Satya Nadella

"Microsoft" şirkətinin baş direktoru

Təbii ki, uğurlu iş adamlarının siyahısı "Microsoft"un təmsilçiləri olmadan tərtib edilə bilməzdi. Satya 2014-cü ildə də şirkətin baş direktoru olub. Nadellanın rəhbərliyi altında şirkət dünyada məlumatların təhlili üçün mərkəzlərin tikilməsinə milyardlarla dollar ayırıb.

4.Larri Peyc

Vəzifəsi: "Alphabet" şirkətinin baş direktoru

Şirkət "Google" və digər şirkətlərin ana şirkəti sayılır. Məsələn, "Nest" yaşayış məkanının təkmilləşdirilməsi ilə məşğul olur. "Google Fiber" internetlə bağlı şirkətdir. "Verily" həyat haqqında elmləri öyrənir.

3.Meri Dillon

Vəzifəsi: "Ulta" şirkətinin baş direktoru

2016-cı ilin ən uğurlu iş adamları siyahısına daxil olan yeganə xanımdır. Şirkətin baş direktoru kimi 2013-cü ildən fəaliyyətə başlayıb. Satışları iki dəfə artırıb. "Ulta" şirkəti ABŞ-da kosmetik vasitələrin onlayn satışı ilə məşğul olan nəhəng şəbəkədir.

2.Ceff Bezos

Vəzifəsi: "Amazon" şirkətinin baş direktoru

Son 12 ay ərzində şirkət 2.1 milyard dollar gəlir əldə edib. Bundan başqa "Amazon Echo" da satışa buraxılıb. "Fire" markalı planşetlər isə keyfiyyətinə, normal qiymətinə görə əla satılır.

1.Mark Zukerberq

Vəzifəsi: "Facebook" şirkətinin baş direktoru

İlin ən uğurlu iş adamı Markdır. "Facebook"un dəyəri 350 milyard dollardır. Sosial şəbəkədən 1.8 milyard insan istifadə edir. 12 il ərzində Mark şirkətin baş direktoru vəzifəsini icra edib.

Hikmət
Ölkə.Az