Rusiya Trampla işləməyə hazırdır

Rusiyanın xarici işlər naziri Lavrov maraqlı bəyanatla çıxış edib.

Ölkə.Az xəbər verir ki, nazirin bildirdiyinə görə, Rusiya istənilən formatlarda ABŞ-la danışıqlara hazırdır. Amma hadisələri tələsdirmir.

Nazir deyib: "Biz istənilən formatda danışıqlara hazırıq. Amma anlayırıq ki, Donald Tramp bu günlərdə yeni adminstrasiya qurduğu üçün çox məşğuldur. Göründüyü kimi bu gün bu məsələ onun üçün çox vacibdir".

Lavrovun sözlərinə görə, Putinin dəfələrlə qeyd etdiyi kimi, rəsmi Moskva ABŞ-ın gələcək prezidenti və onun komandası ilə ikitərəfli münasibətlərdə yaranan böhranı aradan qaldırmaq üçün əməkdaşlığa hazırdır.

Lavrov eyni zamanda qeyd edib ki, Putinlə Trampın nəzərdə tutulan görüşünə hazırlaşmaq lazımdır.

Rusiyalı nazir bildirib ki, rəsmi Moskva Trampın komandası ilə istənilən vaxt danışıqlara hazırdır.

Hikmət
Ölkə.Az