Oqtay Əsədov: “Kiminsə fikrinə görə belə addım atmaq olmaz”
Milli Məclisin deputatı Qüdrət Həsənquliyev ötən gün Ermənistan tərəfinin cəbhə xəttində növbəti dəfə həyata keçirdiyi təxribat cəhdlərinə münasibət bildirib.
Ölkə.Az-ın məlumatına görə, deputat Milli Məclisin bu gün keçirilən plenar iclasında çıxışı zamanı deyib ki, ötən gün cəbhədə baş verən təxribat düşmən ölkə tərəfindən qəsdən edilən təxribadır:
“Ermənilər qəsdən təxriban törədiblər. Lakin onlar bu dəfə konfliktə üçüncü dövləti, yəni Rusiyanın qoşmağa çalışırlar. Azərbaycan Xarici İşlər Nazirliyi çox zamanında cavabını verdi. Ermənistan işğal olunmuş ərazilərdən çıxmalıdır”.
Q.Həsənquliyev ötən gün Kollektiv Təhlükəsizlik Müqaviləsi Təşkilatının (KTMT) baş katibi Nikolay Bordyujanın “Dağlıq Qarabağ Respublikası” ifadəsinin işlətməsi ilə bağlı fikirinə də toxunub:
“Azərbaycan KTMT-yə üzv olan ölkələrə onun baş katiblikdən uzaqlaşdırması ilə bağlı müraciət etməlidir. Biz nə qədər Rusiyanın özünün mövqeyinə zərbə vuran açıqlamalarına dözməliyik. Son vaxtlar Türkiyə ilə İsrail arasında münasibətlər normallaşır. Ancaq Azərbaycan İsrail-Türkiyə arasında münasibətərin daha da yaxşılşmasına çalışmalıdır”.
Spiker Oqtay Əsədov isə Q.Həsənquliyevin çıxışına cavab olaraq bildirib ki, KTMT-nin baş katibi Nikolay Bordyujanın fikirlərini şişirtməyə ehtiyac yoxdur: “Onun fikri Rusiyanın mövqeyi deyil. Kiminsə fikrinə görə belə addım atmaq olmaz. Azərbaycan dəqiq siyasət həyata keçirir. Məsələni genişləndirməyə ehtiyac yoxdur”.
Zaur Əziz
Ölkə.Az